 |
| Advertisement |
Benki
ya Maendeleo ya Kilimo Tanzania (TADB), imesema itahakikisha inaunga
mkono juhudi kubwa zinazofanywa na uongozi wa mkoa wa Simiyu katika
ubunifu wa uzalishaji wa mazao na uendelezaji wa viwanda vidogo mkoani
humo.
Ahadi
hiyo ilitolewa na Kaimu Mkurugenzi Mtendaji wa Benki hiyo, Francis
Assenga, wakati alipotembelea na kufanya mazungumzo na
uongozi wa mkoa wa Simiyu katika kikao kilichoongozwa na mkuu wa mkoa
huo, Anthony Mtaka, Julai 16, mwaka huu.
Assenga alisema anatambua jitihada za uongozi wa mkoa wa Simiyu
katika kubuni shughuli mbalimbali za uzalishaji mali katika mkoa huo
ambazo zinalenga kunyanua hali za kimaisha za wakazi wa Simiyu hivyo .
Alisema kwa kigezo hicho, Benki yake imelenga katika kuhamasisha upatikanaji wa mikopo ya uhakika
ili waweze kuchagiza jitihada hizo za wakazi wa Simiyu na kupelekea
kutimiza malengo ya kimkakati ya kuanzishwa kwa Benki hiyo.
“Kila
mtu anafahamu jitihada za uongozi wa mkoa wa Simiyu katika kuanzisha
miradi ya uzalishaji mali mkoani humu, hivyo nasi kama taasisi
ya maendeleo tuna lengo kuwapatia mikopo na kuhamasisha upatikanaji wa
fedha zenye masharti nafuu na endelevu, ili kuinua ushiriki wa wakulima
wadogo katika mfumo wa kifedha nchini,” alisema.
Kaimu Mkurugenzi Mtendaji huyo aliongeza kuwa kupatiwa kwa mikopo hiyo nafuu kutaongeza uzalishaji wenye tija katika Sekta ya Kilimo mkoani humo hali itakayochochea maendeleo ya wakazi wa mkoa wa Simiyu.
Kwa
mujibu wa Bw. Assenga mikopo hiyo italenga katika kuendeleza
miundombinu muhimu ikiwemo ya uendelezaji waa skimu za umwagiliaji,
usafirishaji, hifadhi ya mazao, usindikaji, pamoja na masoko.
“Tukiwa
kama benki kiongozi ya maendeleo ya kilimo, pamoja na kuhamasisha
mabenki na taasisi nyingine za kifedha kutoa fedha kwenye mnyororo mzima
wa kilimo tumelenga katika kuendeleza mnyororo mzima wa thamani katika
sekta ya kilimo nchini,” aliongeza.
Mapema
akiwakaribisha viongozi wa Benki ya Kilimo mkaoani Simiyu, Mkuu wa mkoa
huo Anthony Mtaka, alisema wakazi wa mkoa wa Simiyu wanahitaji msaada
mkubwa wa mtaji ili kukidhi mahitaji ya sekta ya kilimo mkoani humo.
Mtaka
aliongeza kuwa licha mkoa huo kongoza kwa uzalishaji wa zao la pamba
ambapo Simiyu pekee inazalisha asilimia 63 ya pato lote la zao hili
nchini, lakini kumekuwa na siasa kali hususan katika msimu wa ununuzi wa
zao hilo.
“Tunaamini
Benki ya Kilimo ikiweka mkono wake katika upatikanaji wa fedha zenye
masharti nafuu na endelevu, kutainua ushiriki wa wakulima wadogo katika
mfumo wa kifedha na kutatua changamoto si tu katika zao la pamba mkoani
humu bali katika sekta nzima ya kilimo Simiyu,” alisema.
0 comments: