 |
| Advertisement |
Alitumia fedha hizo kulipia sahani 5,000 za chakula kwenye mgahawa ulio kusini magharibi mwa nchi hiyo katika mji wa Chongqing, baada ya kuipata pete hiyo ya almasi aliyokuwa ameinunua maalumu kwa mpenzi wake.
Kwa mujibu wa gazeti Chongqing Morning Post, mwanamume huyo Wang, alikuwa na nia ya kum 'suprise' mpenzi wake kwa pete hiyo ya uchumba, baada ya kuwa naye kwa mwaka mmoja na kabla ya kufanya hivyo ilipotea.
"Nilifanya maandalizi ya mpango huo lakini wakati nilipokuwa nakula chakula cha mchana, niliondoka kwenye kiti dakika chache kwenda kupokea simu na niliporudi pochi yangu ilikuwa imeibwa," alisema.
Alisema huku akiwa amechanganyikiwa asijue cha kufanya, aliondoka mgahawani hapo na kurudi nyumbani ambako baada ya saa chache alijulishwa kwa simu kuwa mkoba wake umepatikana.
"Nilifahamishwa kuwa uliokotwa na mfanyakazi mmoja wa mgahawa ule na akaukabidhi kwa meneja wake Yue Xiaohua ambaye ndiye alinipigia simu.
"Niliufuata mkoba wangu siku ile ile na kukuta baadhi ya vitu vimeibwa lakini pete ipo, ndipo kwa furaha nikaulizia idadi ya sahani za chakula wanazouza kwa siku," alisimulia.
Baada ya kujulishwa na Meneja kuwa kama siku ni nzuri kibiashara huwa wanauza takriban sahani 5,000 zinazogharimu jumla ya dola 5,200 (Sh. Milioni 11.4)aliagiza kila mtu aalikwe kula chakula kisha akalipa gharama hizo.
Gazeti hilo pia lilisema kuwa Wang aliandika barua ya kushukuru mgahawa huo akisema kuwa mpenzi wake aliikubali pete hiyo na kuahidi kufunga naye ndoa.
0 comments: