Afa kwa kuanguka akiezeka.

Advertisement

FUNDI Mwashi aliyefahamika kwa jina la Ramadhan Pilipili (52), mkazi wa Karakata jijini Dar es Salaam, amekufa baada ya kuanguka kutoka kwenye paa la nyumba aliyokua akiiezeka.

Tukio hilo lilitokea juzi saa mbili kamili asubuhi, maeneo ya Viwege, Chanika nje kidogo ya jiji la Dar es Salaam wakati fundi huyo akiwa kwenye harakati za kupaua nyumba hiyo.

Kamanda wa Polisi mkoa wa Kipolisi wa Ilala, Mary Nzuki, alisema upelelezi wa awali ulionyesha kuwa fundi huyo alikufa papo hapo mara tu baada ya kuanguka kutoka kwenye paa hilo.

Alisema hakuna taarifa zingine zilizopatikana kuhusiana na tukio hilo ikiwemo sababu ya fundi huyo kuanguka, hadi hapo upelelezi utakapokamilika.

Kamanda Mary alisema mwili wa marehemu ulihifadhiwa katika Hospitali ya Taifa ya Muhimbili (MNH) huku upelelezi ukiendelea.

Share This